ԱՄՆ հատուկ ծառայություններն ուզում են հարկ վարձակալել Նյու Յորքի «Trump Tower»–ում, որպեսզի հսկեն նորընտիր նախագահին ու նրա ընտանիքին։ Նրանք մտադիր են այնտեղ շուրջօրյա հրամանատարական կետ հիմնել։ Այս մասին հայտնում է CNN–ը՝ գաղտնի ծառայությունում իր աղբյուրին հղումով։

Լրատվամիջոցի տվյալներով՝ Թրամփի ընտանիքին շուրջօրյա հսկելու համար ծառայության ավելի քան 100 աշխատակից է հարկավոր։ Շենքի անվտանգության համար պատասխանատու է լինելու Նյու Յորքի ոստիկանությունը։ «Trump Tower»–ը հսկող ոստիկանների թիվը կարող է հասնել 300–ի։

Սակայն լրատվամիջոցի զրուցակիցը նշել է՝ այդ թվերը կարող են փոփոխվել, եթե Թրամփը որոշի իր ընտանիքի հետ Սպիտակ տանն ապրել։

7or.am