Ուկրաինայի ներքին գործերի նախարար Արսեն Ավակովը հրաժարականի դիմում է ներկայացրել և լքել երկիրը։ «Խարկովի» փոխանցմամբ՝ այդ մասին հայտնել է Ուկրաինայի խորհրդարանի նախկին պատգամավոր Օլեգ Ցարյովը:

Նախարարների կաբինետում նրա աղբյուրը հայտնել է, որ դեկտեմբերի 8-ին Ուկրաինայի վարչապետ Վլադիմիր Գրոյսմանին է ներկայացվել Ավակովի հրաժարականի դիմումը:

«Ինքը Ավակովը Կնյաժիչիում տեղի ունեցած փոխհրաձգությունից հետո մեկնել է Կանադա և այդպես էլ չի վերադարձել Ուկրաինա»,–ասել է Ցարյովը:

Նա նշել է, որ հեռանալու պատճառը կապված է բնակարանային գողության հետ. Ավակովը վախենում է գործի հրապարակայնացումից, որին մասնակցել են զոհված ոստիկանները:

«Քանի դեռ նա չի ստացել իր անվտանգության երաշխիքը, չի վերադառնա Ուկրաինա»,–հավելել է Ցարյովը։

7or.am