Սիրիայի նախագահ Բաշար Ասադը հայտարարել է, որ պատրաստ է մասնակցել Աստանայի բանակցություններին։ Այս մասին հայտնում է «vesti.ru»–ն՝ ՍԱՆԱ–ին հղումով։

«Մենք պատրաստ ենք քննարկել բոլոր հարցերը. սահմանափակումներ չկան»,–ասել է Ասադը ֆրանսիացի լրագրողներին։

Հարցին՝ պատրա՞ստ է արդյոք Ասադը քննարկել իր հետագա պաշտոնավարումը, սիրիացի առաջնորդը պատասխանել է՝ դա ենթադրում է «Սահմանադրության քննարկում»։

Ասադը հավելել է՝ Սահմանադրությունը չի պատկանում ո՛չ կառավարությանը, ո՛չ նախագահին, ո՛չ ընդդիմությանը. այն սիրիական ժողովրդինն է, և փոփոխելու համար հարկավոր է հանրաքվե։

Թե ով է ներկայացնելու սիրիական ընդդիմությանն Աստանայում, Ասադին առայժմ հայտնի չէ։

7or.am