Այսօր՝ ժամը 17:00-ին, Վերաքննիչ քրեական դատարանը քննելու է ԼՂՀ ՊԲ նախկին հրամանատար Սամվել Բաբայանի կալանավորման որոշման դեմ պաշտպանական կողմի բողոքը:

Սամվել Բաբայանի փաստաբան Ավետիս Քալաշյանը «7օր»–ի հետ զրույցում նշել է, որ դատական այսօրվա նիստից առանձնապես մեծ ակնկալիքներ չունեն։

-Պարզ ասեմ՝ մեծ հույսեր չկան, որ խափանման միջոցը կփոխվի,-նշել է նա։

Հարցին, եթե Վերաքննիչ քրեական դատարանը չբավարարի պաշտպանական կողմի դիմումը, հաջորդ քայլը Վճռաբեկ դատարա՞նն է լինելու, փաստաբանը պատասխանել է․

-Տեսնենք։ Այդ հարցը քննարկում ենք պարոն Բաբայանի հետ, վերջնական որոշումն ինքն է կայացնում, հետո նոր ես գործողությունն անում եմ։

Ա․Քալաշյանը նաև նշել է, որ իր պաշտպանյալի մասնակցությամբ որևէ քննչական գործողություն՝ առերեսում և այլն, չի կատարվել։

7or.am