Ամանորյա այս օրերին, երբ ամենապահանջված ապրանքներից մեկն էլ ձուն է, շուկայում այն գրեթե չկա։ Եղածն էլ աննախադեպ չափով թանկացել է ոչ միայն մայրաքաղաքում, այլև մարզերում։ Մեկնաբանելով այս հանգամանքը՝ ԱԺ տնտեսական հարցերի մշտական հանձնաժողովի նախագահ Վարդան Այվազյանը «7օր»-ին ասել է, որ չի կարծում, թե շուկայում ձու չլինելը խարդախությունների խնդիր չէ, քանի որ ձուն արտադրվում է վաճառելու համար։

-Չեմ կարող պատճառն ասել։ Մարդը եթե ձուն արտադրում է, արտադրում է վաճառելու համար։ Եթե այս երկու օրն էլ չվաճառեց, նա հունվարին ձու վաճառող չէ։ Եթե չեն վաճառում, որ գինը բարձրանա, դա կոչվում է հանցավոր համաձայնություն,-ասել է Վարդան Այվազյանը։

7or.am