Թուրքիայի հարավարևելյան սահմանամերձ Հաքքարի նահանգի Չուքուրջա շրջանում «Քուրդիստանի բանվորական կուսակցության» (ՔԲԿ-PKK) զինյալների կողմից տեղադրված ինքնաշեն պայթուցիկի գործադրման հետևանքով սպանվել է 2 թուրք զինվոր:

Թուրքական «Haberler» լրատվամիջոցի համաձայն՝ պայթուցիկը գործի է դրվել այն ժամանակ, երբ ճանապարհով է անցել Թուրքիայի զինուժին պատկանող մի զինվորական մեքենա:

Պայթյունից հետո քուրդ զինյալներին հայտնաբերելու և վնասազերծելու նպատակով սկսվել է լայնամասշտաբ որոնողական գործողություն:

Հիշեցնենք, որ PKK-ն Թուրքիայում համարվում է ահաբեկչական կազմակերպություն: Վերջինիս դեմ ռազմական գործողությունները ընթանում են, թե՛ երկրի ներսում, թե՛ երկրի սահամաններից դուրս՝ մասնավորապես Հյուսիսային Իրաքում, որտեղ էլ գտնվում է PKK-ի գլխավոր ռազմաճամբարը՝ Քանդիլը:

Աղբյուրը` Ermenihaber.am