Նոյեմբերի 2-4-ը Ադրբեջանի տարածքում կանցկացվի Կասպից ծովի պետությունների «Կասպից-2017» փրկարարական զորավարժություն. կներգրավվեն շուրջ 1500 հրշեջ, փրկարար, ավելի քան 30 միավոր տեխնիկա՝ բոլոր մերձկասպյան պետություններից: Այս մասին նոյմեբերի 1-ին հայտնել է «ՌԻԱ Նովոստին»՝ փոխանցելով ՌԴ արտակարգ իրավիճակների նախարարությունից ստացած տեղեկությունը:

Զորավարժության սցենարով՝ մասակից երկրների թիմերը խաղարկելու են նավերի բախումների, ճանապարհատրանսպորտային պատահարների դեպքում ցամաքում և ջրային տարածքներում փրկարարական աշխատանքների իրականացման, աղետների հետևանքների վերացման աշխատանքներ:

Վարժանքներին կներգրավվեն մերձկասպյան պետությունների՝ Ռուսաստան, Ադրբեջան, Իրան, Ղազախստան, Թուրքմենստան, ԱԻՆ ղեկավարները, ՄԱԿ-ի ներկայացուցիչ։

Աղբյուրը՝ razm.info