Աշխարհ

09.11.2017 15:07


Թբիլիսիում առևտրականներից պահանջել են ազատել գետնանցումները

Թբիլիսիում առևտրականներից պահանջել են ազատել գետնանցումները

«Թբիլսերվիս» ընկերության տեսուչները ստուգում են գետնանցումներն ու առևտրականներին տեղեկացնում, որ երկու օրվա ընթացքում հեռանան տարածքից։

Թբիլիսիի ստորգետնյա անցումների վիճակը քննադատել է Թբիլիսիի նորընտիր քաղաքապետ Կախա Կալաձեն, ով քաղաքապետի լիազորությունները պաշտոնապես կստանձնի նոյեմբերի 12-ին։ Երեքշաբթի Կալաձեն Հերոսների հրապարակում շրջել է ստորգետնյա անցումներում, ինչից հետո «Թբիլսերվիս» ընկերության ղեկավարությանը հանձնարարել է մաքրել և կարգի բերել Թբիլիսիի գետնանցումները:

Սակայն վաճառականներն այս որոշումը բողոքարկում են՝ նշելով, որ եթե իրենց գործունեությունը ծավալեն խանութներում, ապա առևտուրը կկրճատվի: Ըստ առևտրականների՝ նախկինում նման պահանջ երբեք չի եղել։

Մոտ ապագայում Թբիլիսիի ստորգետնյա անցումներում տեղադրվելու են տեսախցիկներ, իսկ մինչ այդ անցումներում պարեկային ոստիկանությունը կվերահսկի իրավիճակը:

Աղբյուրը՝ aliq.ge

Այս խորագրի վերջին նյութերը