ՀՀ նախագահի մամլո խոսնակ Սամվել Ֆարմանյանը մեկնաբանել է ՀՀ սպորտի և երիտասարդության հարցերի նախարարի՝ աշխատանքից հեռացնելու մասին լուրերը.

-Ինչպես գիտեք, կոալիցիոն շրջանակում գործող համաձայնագրի և պայմանավորվածության համաձայն, Սպորտի և երիտասարդության հարցերի նախարարությունը «Բարգաված Հայաստան» կուսակցության պատասխանատվության ոլորտում է: Արմեն Գրիգորյանը աշխատանքից ազատվելու դիմում է ներկայացրել: Նախարարի փոփոխությունը «Բարգավաճ Հայաստան» կուսակցության որոշումն է:

Ս. Ֆարմանյանը նշել է նաև, որ Սահմանադրության համաձայն, կառավարության անդամին աշխատանքի նշանակում և ազատում է ՀՀ նախագահը՝ վարչապետի առաջարկությամբ: «Նախագահ Սարգսյանն արդեն ստացել է վարչապետի առաջարկությունը: Առաջիկայում կլինի նախագահի համապատասխան հրամանագիրը, ինչի մասին և մեր մամլո ծառայությունը կտեղեկացնի լրատվության միջոցներին»:

Չնայած դրան, շարունակվում են լուրեր պտտվել, թե Արմեն Գրիգորյանը ՀՀ սպորտի և երիտասարդության հարցերի նախարարությանը տրամադրված ֆինանսական միջոցներից գումար է յուրացրել, ինչն առաջացրել է ԲՀԿ նախագահ Գագիկ Ծառուկյանի զայրույթը, որին էլ հետևել է նրան աշխատանքից հեռացնելու որոշումը։

7or.am