Ինչպես տեղեկացնում է ՌԴ նախագահի մամլո ծառայությունը, Դմիտրիյ Մեդվեդևի և Աբդուլա Գյուլի միջև, թուրքական կողմի նախաձեռնությամբ, տեղի է ունեցել հեռախոսազրույց։

Երկու երկրների ղեկավարները քննարկել են միջազգային ոլորտում ռուս-թուրքական համագործակցությանը վերաբերող հարցեր։

Անդրկովկասում տիրող իրավիճակի վերաբերյալ մտքեր փոխանակելիս, Աբդուլա Գյուլը բարձր է գնահատել Ռուսաստանի ներդրումը Լեռնային Ղարաբաղի հակամարտության կարգավորման գործընթացում առաջընթացի հասնելու գործում։

Մոտ ժամանակներս ռուս-թուրքական հարաբերությունների կենտրոնական հարցը, երկու կողմերի կարծիքով,  կոչված  է լինել  ՌԴ նախագահ Դմիտրիյ Մեդվեդևի այցը Թուրքիա։ Ընթացիկ տարվա մայիսին կայանալիք այցի վերաբերյալ համաձայնությունը հաստատվել է զրույցի ժամանակ։