Աշխարհ

09.12.2017 11:16


Դեկտեմբերի 11-ին Պուտինը կմեկնի Թուրքիա

Դեկտեմբերի 11-ին Պուտինը կմեկնի Թուրքիա

Ռուսաստանի Դաշնության (ՌԴ) նախագահ Վլադիմիր Պուտինը դեկտեմբերի 11-ին կմեկնի Թուրքիա, որտեղ կհանդիպի Ռեջեփ Թայիփ Էրդողանի հետ։ «Timeturk» լրատվական կայքի տեղեկացմամբ՝ հանդիպումը կկայանա Անկարայում։

Նախատեսվում է, որ հանդիպման ժամանակ կողմերը քննարկելու են ռուս-թուրքական հարաբերությունների առանցքային հարցերը։ Բացի այդ կխոսեն տարածաշրջանային խնդիրների, այդ թվում Սիրիայում և Երսուսաղեմում ստեղծված իրավիճակի մասին։

Թուրքական աղբյուրը հիշեցնում է, որ վերջին անգամ Էրդողանը և Պուտինը հանդիպել էին նոյեմբերի 22-ին Սոչիում։ Կողմերը քննարկել էին մի շարք համատեղ նախագծեր։ Քննարկվել էր նաև ռուսական «S-400» ՀՕՊ համակարգերի՝ Թուրքիային մատակարարելու ժամկետի հարցը։

Հիշեցնենք, որ Թուրքիան վերջերս խոստորեն դատապարտել էր ԱՄՆ-ի նախագահի այն հայտարարությունը, որ պաշտոնական Վաշինգտոնը՝ որպես Իսրայելի մայրաքաղաք ճանաչում է Երուսաղեմը։

Աղբյուրը` Ermenihaber.am

Այս խորագրի վերջին նյութերը