-Այդ մարդու (Ռոբերտ Քոչարյանի) վրա այնքան հանցագործություններ կան, և այնքան մեծ ատելություն է կուտակված հայ ժողովրդի մեջ, որ ես նրա վերադարձն իսկապես հնարավոր չեմ համարում,-պատասխանելով լրագրողի հարցին, թե հնարավո՞ր է, որ Ռոբերտ Քոչարյանը վերադառնա քաղաքականություն՝ ասել է Հայ ազգային կոնգրեսի համակարգող Լևոն Զուրաբյանը։ -Իսկ Սերժ Սարգսյանի հանձնարարականով Ղարաբաղ իր վերջին այցով նա հաստատեց այն հանգամանքը, որ նա չի պատրաստվում վերադառնալ քաղաքականություն։

Լ. Զուրաբյանը կարծիք է հայտնել, թե եթե Ռ. Քոչարյանը քաղաքականություն վերադառնալու ծրագրեր ունենար, ապա «չէր կատարի Սերժ Սարգսյանի հանձնարարությունը, նման առաքելություն չէր վերցնի իր վրա»։

-Այդ առաքելությունն իր վրա վերցնելով՝ նա ընդգծեց, որ այսուհետ պատրաստ է կատարել այն առաքելությունները, որոնք կատարում են պաշտոնաթող նախագահները։

Լրագրողը նաև հարց է ուղղել Լ. Զուրաբյանին, թե, այնուամենայնիվ, հաղթելու համար ո՞ւմ հնարավորություններն են ավելի մեծ՝ Քոչարյանի՞, թե Լ. Տեր-Պետրոսյանի.

-Եթե Քոչարյանը նրան դիմակայեր, ես ավելի հավանական կհամարեի Լ. Տեր-Պետրոսյանի հաղթանակը։

7or.am