-Վրաստանում ինձ պաշտոնապես «persona non grata»  չեն հայտարարել։ 2009թ. հունիսին ինձ արգելվել է մուտք գործել Վրաստան, որից հետո այդ արգելքը չի վերացվել, և վիճակն առայժմ պահպանվում է,- «Դուպլեքս» ակումբում լրագրողների հետ հանդիպման ժամանակ ասել է ԱԺ պատգամավոր, «Ջավախք» հայրենակցական միության նախագահ Շիրակ Թորոսյանը։

Նա նշել է, որ խնդիրը պետք է լուծի ՀՀ արտգործնախարարությունը, քանի որ այդպիսի հանձնարարական է տրվել, սակայն խնդիրն առայժմ չի լուծվել.

-Ես պարբերաբար կապվում եմ արտգործնախարարի հետ, ԱԳ փոխնախարար Շավարշ Քոչարյանի հետ, և նրանք հավաստիացնում են, որ ամեն ինչ անում են խնդիրը լուծելու համար, բայց առայժմ վիճակը մնացել է նույնը,- ասել է Շիրակ Թորոսյանը։

7or.am