Աշխարհ

30.12.2017 11:42


Իրանում բողոքի ցույցեր են անցկացվում իշխանությունների դեմ (տեսանյութ)

Իրանում բողոքի ցույցեր են անցկացվում իշխանությունների դեմ (տեսանյութ)

Իրանի մի շարք քաղաքներում զանգվածային ցույցեր են սկսվել իշխանությունների վարած տնտեսական քաղաքականության դեմ։ Fars գործակալությունը հայտնում է 6 քաղաքում բողոքի ակցիաների մասին։

Արևմտյան Քերմանշահ քաղաքում հազարավոր մարդիկ են դուրս եկել փողոց՝ «Հեռացի՛ր Ռոհանի», «Մա՛հ բռնապետին, ժողովուրդը տառապում է աղքատության մեջ», «Առաջնորդն իրեն աստծո տեղ է դրել» կարգախոսներով: Նրանք նաև վանկարկել են՝ «Ազա՛տ արձակեք քաղբանտարկյալներին» և «Մահ, կամ ազատություն»։

Ցուցարարների թիրախում են թե՛ Իրանի նախագահ Հասան Ռոհանին, թե՛ հոգևոր առաջնորդ Այաթոլլահ Ալի Խամենեին:

Իրանում նաև աճում է դժգոհությունը Սիրիային, Լիբանանին ու պաղեստինցիներին ցուցաբերվող չափազանց մեծ աջակցության պատճառով։

Ցույցեր են անցկացվել նաև Իրանի մեծությամբ երկրորդ քաղաքում՝ Մաշհադում, որտեղ որոշ ապրանքատեսակներ վերջին օրերին թանկացել են մինչև քառասուն տոկոսով: Բախումներ են տեղի ունեցել ցուցարարների ու ոստիկանների միջև․ ավելի քան 50 մարդ բերման է ենթարկվել։

Իրանի փոխնախագահ Էսհակ Ջահանգիրին ցույցերի անցկացման համար մեղադրել է պահպանողական շրջանակներին։

Իշխանությունները սպառնում են ուժ կիրառելու միջոցով ցրել ապօրինի հավաքները:

7or.am

Այս խորագրի վերջին նյութերը