Թուրքական «Բեշիքթաշի» գլխավոր մարզիչ Շենոլ Գյունեշը խոսել է Հայաստանի հավաքականի կիսապաշտպան Արաս Օզբիլիսի մասին.

«Արազը հիանալի հումորով օժտված մարդ է և իմ ամենասիրելի ֆուտբոլիստը թիմում: Հեշտ եմ կատակում նրա հետ: Հատկապես դա օգտակար է հանդերձարանում: Նրա միջոցով կարողանում եմ խոսել ու մտերմանալ այլ արտասահմանցի ֆուտբոլիստների հետ, ովքեր այնքան էլ շփվող չեն»,- մարզչի խոսքերը մեջբերում է «Haberler»-ը:

Նշենք, որ թուրքական լրատվամիջոցներում շատ են խոսում այն մասին, որ հայ կիսապաշտպանն այս տրանսֆերային պատուհանի ընթացքում կարող է լքել «Բեշիքթաշը» և տեղափոխվել Ղազախստան:

Աղբյուրը՝ armsport.am