45–ամյա լատինաամերիկացի երգիչ Ռիկի Մարտինը պաշտոնապես ամուսնացել է 33–ամյա նկարիչ Ջվան Յոսեֆի հետ․ նրանք ստորագրել են անհրաժեշտ բոլոր փաստաթղթերը, ամուսնական պայմանագիր են կնքել։

«Ես ամուսին եմ․․․Մենք պատրաստվում ենք ցնցող երեկույթ կազմակերպել մի քանի ամսից»–հայտարարել է Մարտինը։

Այս զույգը հանրությանը հայտնվեց 2016թ․ և այդ տարի էլ նշանադրվեց։

Ջվան Յոսեֆը ծագումով Սիրիայից շվեդ նկարիչ է, ով այժմ բնակվում և ստեղծագործում է Լոնդոնում։ Նշենք, սակայն, որ ըստ որոշ խոսակցությունների՝ նա նաև հայկական արմատներ ունի։

Հիշեցնենք, որ Ռիկի Մարտինը զույգ երեխաների՝ 9–ամյա Մատեոյի և Վալենտինոյի հայր է, որոնց Ռիկիի համար ծննդաբերել է փոխնակ մայրը։

7or.am