Երեկ հայտնի դարձավ, որ հրաժարական է տվել Հանրային Հեռուստատեսության «Հայլուր» լրատվական ծրագրի ղեկավար Հարություն Հարությունյանը: Ըստ պտտվող լուրերի՝ հրաժարականը պայմանավորված է աշխատանքային որոշակի տարաձայնություններով, մասնավորապես անցանկալի լուրերի եթեր հեռարձակմամբ։

Սակայն այս վարկածը հերքել է Հ. Հարությունյանը։ Նա նշել է, որ իր հրաժարականը որևի կոնֆլիկտի արդյունք չէ։ Հ. Հարությունյանը հայտնել է, որ հրաժարականից հետո որոշ ժամանակ հանգստանալու է, այնուհետև որոշելու անելիքները:

Նշենք, որ ինտերնետային քննարկումներում բազմաթիվ «հայլուրցիներ» գրել են այս որոշման՝ իրենց համար անակնկալ լինելը։ Լուրեր են պտտվում նաև, որ Հ. Հարությունյանին առաջարկել են այլ պաշտոն զբաղեցնել, սակայն այս տարբերակը ևս պաշտոնապես հաստատված չէ։