Արցախի Հանրապետության նախագահ Բակո Սահակյանի մոտ փետրվարի 4-ին տեղի է ունեցել խորհրդակցություն՝ նվիրված ԼՂՀ Օդային օրենսգրքի մշակման հետ կապված հարցերին:
Զեկույցով հանդես է եկել ԼՂՀ վարչապետի խորհրդական Դմիտրի Ադբաշյանը:
Ծավալված քննարկումների ընթացքում երկրի ղեկավարը նշել է, որ Օդային օրենսգրքի մշակումը և ընդունումը հանդիսանում է ավիացիայի գործունեության կարևորագույն հիմքերից մեկը, և այս համատեքստում ակնկալում է գործադիր և օրենսդիր իշխանությունների միջև սերտ համագործակցություն, որի արդյունքում հանրապետությունը պետք է ունենա միջազգային չափանիշներին համապատասխան Օդային օրենսգիրք: 
Խորհրդակցությանը ներկա են եղելԼՂՀ ԱԺ նախագահ Աշոտ Ղուլյանը, վարչապետ Արա Հարությունյանը, պաշտոնատար այլ անձինք: