Փետրվարի 5-ին Ազգային ժողովի նախագահ Հովիկ Աբրահամյանն ընդունել է Երեւանում ԵԱՀԿ գրասենյակի ղեկավար Սերգեյ Կապինոսին:

Զրուցակիցները բարձր են գնահատել ՀՀ ԱԺ և ԵԱՀԿ Երևանի գրասենյակի համագործակցությունը և գոհունակությամբ արձանագրել, որ նախորդ տարվա ընթացքում հաջողությամբ իրականացվեցին 2009թ. ապրիլի 15-ի ՀՀ ԱԺ և ԵԱՀԿ Երևանի գրասենյակի միջև կնքված Համագործակցության հուշագրով նախատեսված բոլոր միջոցառումները: Հաշվի առնելով այդ հանգամանքը՝ ՀՀ ԱԺ նախագահ Հովիկ Աբրահամյանն առաջարկել է ամփոփել 2010թ. համար նախատեսված համագործակցության ծրագրերը և շարունակել համատեղ սերտ աշխատանքը ՀՀ ԱԺ մասնագիտական կարողությունների զարգացման բնագավառում:

Հանդիպման ընթացքում կողմերը նաև քննարկել են եվրոպական չափանիշների համաձայն ՀՀ օրենսդրությունը կատարելագործելու հարցը: