Այն բանից հետո, երբ մարտի 19-ին Թուրքիայի զինված ուժերը վերահսկողություն սահմանեցին Սիրիայի Աֆրին քաղաքի վրա, Ստամբուլի Բողազիչի (Բոսֆոր) համալսարանի մի խումբ ուսանողներ համալսարանի տարածքում քաղցրավենիք (լոխում) են բաժանել։

Ուսանողական մեկ այլ խումբ էլ այդ նախաձեռնության դեմ է հանդես եկել։ Նրանք իրենց ձեռքում պաստառ են պահել, որտեղ գրված է եղել. «Ոչ օկուպացիայի և կոտորածների լոխումին»։

Դրա հետևանքով բերման են ենթարկվել մոտ մեկ տասնյակ ուսանողներ։

Կատարվածին արձագանքել է Թուրքիայի նախագահ Ռեջեփ Թայիփ Էրդողանը։ Վերջինս դժգոհություն հայտնած ուսանողներին անվանել է հայրենիքի դավաճաններ և կոմունիստներ:

«Այդ ահաբեկիչ ուսանողներին մենք թույլ չենք տա համալսարանում սովորել»,-ասել է Էրդողանը։

Աղբյուրը՝ ermenihaber.am