Ադրբեջանի արտգործնախարար Էլմար Մամեդյարովը հայտարարել է, որ Բաքուն ողջունում է ղարաբաղյան հակամարտության կարգավորման նորացված հիմնարար սկզբունքները։ «Մենք կարծում ենք, որ Աթենքում ԵԱՀԿ Մինսկի խմբի համանախագահների կողմից առաջարկված հակամարտության կարգավորման նորացված հիմնարար սկզբունքներն ընդունելի են։ Սակայն դրանցում կան վիճելի տարրեր, որոնք պետք է համաձայնեցվեն բանակցությունների ընթացքում»,-ԵԱՀԿ գործող նախագահի հետ համատեղ ասուլիսում ասել է Մամեդյարովը։ Նա նշել է, թե անզեն աչքով էլ երևում է, որ բանակցային գործընթացն առաջ շարժվում է, սակայն «եթե այն ոչ մի արդյունք չտա, ապա առաջանալու է «Հետո ի՞նչ անել» հարցը, որին պետք է պատասխանեն բոլոր խաղացողները»։

Ըստ «Интерфакс»-ի