Աշխարհ

02.05.2018 09:15


ԵՄ-ն նոր կառավարության ձևավորման շուրջ համակողմանի երկխոսության կոչ է անում

ԵՄ-ն նոր կառավարության ձևավորման շուրջ համակողմանի երկխոսության կոչ է անում

Եվրամիությունը վերահաստատում է աջակցությունը Հայաստանին՝ բարգավաճ և ժողովրդավարական հասարակություն կառուցելու իր ջանքերում: Այս մասին ասված է Եվրամիության արտգործնախարարության պաշտոնական ներկայացուցիչ Մայա Կոսիյանչիցի հայտարարությունում:

Միաժամանակ, Եվրամիությունը երեկ երեկոյան հրապարակած հայտարարությունում անչափ կարևորում է, որ «ներգրավված բոլոր կողմերը, այդ թվում՝ իրավապահ մարմինները և հավաքների ու խոսքի իրենց իրավունքը իրացնողները, խուսափեն առճակատումից և զսպվածություն ու պատասխանատվություն ցուցաբերեն, ինչպես եղել է վերջին օրերին»:

Եվրամիությունը շարունակում է քաջալերել բոլոր շահագրգիռ կողմերին, ներառյալ՝ քաղաքացիական հասարակությանը, համակողմանի երկխոսություն սկսելու Սահմանադրությանը և հայ ժողովրդի շահերին համապատասխան նոր կառավարության ձևավորման շուրջ:

Հիշեցնենք, երեկ Ազգային ժողովը հատուկ նիստում մերժեց Նիկոլ Փաշինյանի թեկնածությունը Հայաստանի վարչապետի պաշտոնում, դեմ քվեարկեցին խորհրդարանական մեծամասնության՝ Հանրապետական խմբակցության պատգամավորները: Նիստից հետո Փաշինյանը Երևանի Հանրապետության հրապարակում անցկացվող բազմամարդ հանրահավաքում կոչ արեց այսօր առավոտից վերսկսել քաղաքացիական անհնազանդության ակցիաները:

Աղբյուրը՝ Ազատություն

Այս խորագրի վերջին նյութերը