Աշխարհ

10.06.2018 21:01


Թբիլիսիում վերսկսվել են բողոքի ակցիաները (տեսանյութ)

Թբիլիսիում վերսկսվել են բողոքի ակցիաները (տեսանյութ)

Թբիլիսիում ցուցարարները վերսկսել են բողոքի ակցիաները՝ պահանջելով անաչառ քննություն իրականացնել անցած տարեվերջին տեղի ունեցած երկու անչափահասների սպանության գործով և պատասխանատվության ենթարկել մեղավորներին:

Ցույցին ներկա են նաև որոշ ընդդիմադիր կուսակցություններ, որոնք պնդում են, թե արդարության հնարավոր է հասնել միայն իշխանափոխության դեպքում:

Ավելի վաղ քննության շրջանակներում ձերբակալվել էին ներքին գործերի նախարարության երկու աշխատակիցներ, այդ թվում՝ Վրաստանի նախկին դատախազը:

Սպանվածներից մեկի հայրը՝ Զազա Սարալիձեն, սակայն, հայտարարել է, թե կառավարության այդ քայլերը բավարար չեն և չեն վերականգնում արդարությունը:

«Ես իշխանություններից պահանջում էի ազատազրկել ոչ միայն սպանության մեղավորներին, այլև գործը կոծկող դատախազներին ու նրանց հովանավորներին»,-հայտարարել է նա:

Երկու դեռահասների դաժան սպանության գործի շուրջ բողոքի ալիք բարձրացավ շաբաթներ առաջ, երբ դատարանը սպանության համար որևէ մեկին այդպես էլ մեղավոր չճանաչեց:

Աղբյուրը՝ Ազատություն

Այս խորագրի վերջին նյութերը