Լոնդոնի «Արսենալը» նոր գլխավոր մարզիչ Ունայ Էմերիի հետ շարունակում է պատրաստվել 2018/19 մրցաշրջանին:

Անգլիական ակումբը մինչմրցաշրջանային պատրաստության ընթացքում արդեն մեկ հանդիպում անցկացրել է, որտեղ 8:0 հաշվով հաղթել «Բրեմ Վուդին»:

Հայաստանի ազգային հավաքականի ավագ Հենրիխ Մխիթարյանը նույնպես մասնակցել է այդ հանդիպմանը` դառնալով մեկ գոլի հեղինակ:

Հայ կիսապաշտպանը շարունակում է մարզվել թիմի հետ ու պատրաստվել առաջիկա ընկերական հանդիպումներին:

Հուլիսի 26-ին «զինագործները» կմրցեն Մադրիդի «Աթլետիկոյի» հետ:

Աղբյուրը՝ armsport.am