Աշխարհ

30.07.2018 15:33


Ադրբեջանի նախագահը և ԵՄ հատուկ ներկայացուցիչը քննարկել են ղարաբաղյան խնդիրը

Ադրբեջանի նախագահը և ԵՄ հատուկ ներկայացուցիչը քննարկել են ղարաբաղյան խնդիրը

Ադրբեջանի նախագահը Հարավային Կովկասում Եվրամիության հատուկ ներկայացուցիչ Տոյվո Կլաարի հետ քննարկել է ղարաբաղյան խնդիրն ու Բրյուսելի հետ հետագա համագործակցությունը:

Պաշտոնական հաղորդագրության համաձայն, Իլհամ Ալիևը պնդել է, թե Բաքուն մեծ կարևորություն է տալիս Եվրամիության և ՆԱՏՕ-ի հետ հարաբերություններին, եվրոպացի դիվանագետն էլ հույս է հայտնել, որ Բաքուն և Բրյուսելը մոտ ապագայում կստորագրեն ռազմավարական համագործակցության նոր համաձայնագիրը:

Ավելի վաղ՝ ամսվա սկզբին, Եվրախորհրդարանը կոչ արեց Եվրահանձնաժողովին Բաքվի հետ համաձայնագիրը ստորագրել և վավերացնել միայն այն դեպքում, երբ Ալիևի վարչակազմը ազատ կարձակի քաղբանտարկյալներին, կպայքարի կոռուպցիայի դեմ և քայլեր կձեռնարկի ժողովրդավարության ամրապնդման ուղղությամբ:

Աղբյուրը՝ Ազատություն

Այս խորագրի վերջին նյութերը