ԵՄ գործող նախագահ Միգել Անխել Մորատինեսը ՀՀ արտգործնախարար Էդվարդ Նալբանդյանի հետ մամուլի ասուլիսի ժամանակ ասել է, որ Եվրոպական միությունը բոլոր ջանքերով օժանդակելու է Ղարաբաղյան կարգավորման գործընթացին և հուսով է, որ այդ ջանքերը դրական արգասիքներ կբերեն։ Եվրոպական միությունը քաջալերում է Հայաստանի և Թուրքիայի հարաբերությունների կարգավորման գործընթացին հավատարիմ մնալը և երկու կողմին էլ կոչ է անում արձանագրությունները վավերացնել առանց նախապայմանների և ողջամիտ ժամկետում։

-ԵՄ-ն ողջունում է արձանագրությունները ԱԺ ներկայացնելու վերաբերյալ ՀՀ նախագահի որոշումը ։ Ողջունում ենք նաև Թուրքիայի նախագահի վերջին հայտարարությունը, թե իրենք հավատարիմ են մնում Հայաստանի հետ հարաբերությունները կարգավորելու նպատակին։ ԵՄ-ն երկու կողմերի հետ էլ զրուցելու է և փորձելու է խրախուսել ու քաջալերել ավելի լավ միջավայր ստեղծելու համար, քանի որ սա պատմական շրջադարձային քայլ է,-ասել է նա և հավելել, որ բոլորն ուրախ էին, երբ արձանագրությունները ստորագրվեցին, սակայն պետք է շարունակել ջանքերը դրանք կյանքի կոչելու ուղղությամբ։

7or.am