Այսօրվա հանրահավաքում Նիկոլ Փաշինյանը պաշտպանեց Հայկ Մարությանի «սև-սպիտակների» տեսությունը՝ հիմնավորելով, որ իրոք կան հակահեղափոխական ուժեր։ Ըստ Նիկոլ Փաշինյանի, այդ սև ուժերը հեղափոխությունից առաջ խոսել են հեղափոխության դեմ, հեղափոխությունից մեկ շաբաթ անց միացել են հեղափոխությանը, հիմա հրապարակում գոռում են «կեցցե հեղափոխությունը»։
Սակայն միաժամանակ բանակցում են ՀՀԿ-ականների հետ, որպեսզի Երևանի ավագանու ընտրություններում տապալեն հեղափոխությունը՝ ի դեմս «Իմ քայլը» դաշինքի։
Ըստ Նիկոլ Փաշինյանի, հակահեղափոխության դեմն առնելու տարբերակը «Իմ քայլը» դաշինքի օգտին քվեարկելն է։
Հիմա հարց՝ ո՞րն է հակահեղափոխության դրոշակակիր ուժը, որի առաջխաղացման դեմն առնելու կոչեր են հնչում։

Դերենիկ Մալխասյանի ֆեյսբուքյան էջից