Գերմանիայում «Բավարիա» Մյունխեն և «Հերթա» Բեռլին ֆուտբոլային ակումբների միջև կայանալիք հանդիպումը կարող է չեղարկվել՝ Էրդողանի այցի պատճառով։

Գերմանական մամուլին հղում կատարող թուրքական «Yeni Akit» լրատվակայքը նշում է, որ Թուրքիայի նախագահ Ռեջեփ Թայիփ Էրդողանի բեռլինյան այցը ակնկալվում է սեպտեմբերի 27-29-ին, իսկ վերոնշյալ ֆուտբոլային հանդիպումը նախատեսված է սեպտեմբերի 28-ին։

Ըստ լրատվամիջոցների՝ Գերմանիայում մտահոգություն ունեն, որ Էրդողանի այցի պատճառով Բեռլինում կարող են լայնամասշտաբ ցույցեր անցկացվել։ Ուստի նպատակահարմար է համարվել «Բավարիա-Հերթա» հանդիպումը անվտանգության նկատառումներով որոշ ժամանակով հետաձգել։

Հայտնի է նաև, որ սեպտեմբերի 28-ին Էրդողանը Բեռլինում հանդիպելու է Գերմանիայի կանցլեր Անգելա Մերկելի հետ։

Աղբյուրը՝ ermenihaber.am