Կրթության ոլորտի բախտն ակնհայտ չի բերում։ Հենց կոռուպցիայի դեմ պայքարի հասարակական պահանջ էր դրվում, նախկին իշխանությունները անմիջապես սկսում էին պայքարել դպրոցական դրամահավաքի դեմ։ Նույնքան դժբախտ էին բուհերը ու դրանց ուսումնական լաբորատորիաները։ Մի ժամանակ դրանք ՊՈԱԿ (պետական ոչ առևտրային կազմակերպություն) էին։ Հետո դարձան հիմնադրամներ։

Ու հանկարծ պարզվեց, որ նոր իշխանությունները լուծարում են ԵՊՀ լաբորատորիաները։ Ըստ ԵՊՀ դասախոսների՝ 450 կրճատվողներից 250-ը դասախոսներ են։ Նրանք ամսական 50-70 հազարական դրամ կկորցնեն։ Կարևորն այն է, որ նոր կառավարությունը որոշումն ընդունել է առանց ոլորտի մասնագետների հետ քննարկման։

Ու հնարավոր է, որ ԵՊՀ-ն 2 ամսից դառնա եզակի բուհ՝ բուհ, որ չունի ուսումնական լաբորատորիա։ Ասեք, որ օրիգինալ փաստ կլինի։

Արա Գալոյանի ֆեյսբուքյան էջից