Սաշիկը աչքիս լույսը չի, ավելին ասեմ՝ ես չեմ բացառում, որ իր ունեցվացքի զգալի մաս կարող է ունենալ անօրինական ծագում:
Բայց դրա հետ մեկտեղ՝ այն, ինչ տեղի է ունենում հիմա, չի կարելի այլ կերպ կոչել, քան ռեկետ: Ռեկետ, որն իրականցվում է պետական մակարդակով և հովանավորվում երկրի բարձրագույն պաշտոնյաների կողմից:
Սխեման շատ պարզ է` սկզբում խախտելով քաղաքացու անձնական տվյալների գաղտնիությունը՝ հանրայնացվում է այս կամ այն նախկին պաշտոնյայի կամ նրա ընտանիքի ունեցվացքը (հաճախ՝ ուռճացված), դա ակտիվ տարածվում է ԶԼՄ-ով և սոցցանցերով՝ ստեղծելով համապատասխան հանրային կարծիք և «ժողովրդական» վրդովվմունք: Հետո խախտելով քաղաքացու անմեղության կանխավարկածը՝ հայտարարվում է այդ ունեցվացքի՝ իբրև թե անօրինական ծագման մասին՝ դրա հետ մեկտեղ ոչ մի փաստ չբերելով:
Հետո քաղաքացուց պարզապես պարտադրաբար այդ ունեցվացքը ամբողջությամբ կամ մասամբ խլում են, հավանաբար, ինչ–որ գործարքի դիմաց, օրինակ՝ հանգիստ թողնելու և էլ չանհանգստացնելու:
Դասական սխեմա է, ոչ մի նոր բան: Այդպես են վարվել հետհեղափոխական Վրաստանում, Ուկրայինայում և աշխարհի շատ այլ երկրներում: Նույնը և մեր աչքերի առաջ տեղի է ունենում այսօր Հայաստանում: Միայն թե սա օրինականության և արդարության հետ ոչ մի կապ չունի և հաստատ չի նպաստելու ներդրողների հոսքին դեպի Հայաստան: Որովհետև այս կամ մյուս իշխանությունները կարող են նույնպես վարվել և իրենց ունեցվացքի հետ:
Ես չեմ արդարացնում տվյալ դեպքում Սաշիկին կամ այլ նախկին իշխանավորների, բայց միաժամանակ կուզենայի տեսնել այս գործերով հարուցված քրեական գործեր, ապացույցներ և դատական որոշումներ, որ այս գումարներն ունեն անօրինական ծագում, կոնֆիսկացված են պետության կողմից և վերադարձված տուժած կողմին: Ո՞վ ասաց, որ այդ գումարները բյուջեից են գողացված, որ պիտի բյուջե վերադարձվեն:
Այդպես են վարվում օրենքի երկրում: