Գերմանիայի Նացիոնալ-սոցիալիստական աշխատավորական կուսակցության պարագլուխ Ադոլֆ Հիտլերը 1923 թ․ նոյեմբերի 9-ին Մյունխենում պետական հեղաշրջման անհաջող փորձ է նախաձեռնում։

Առավոտյան ժամը 11-ին շուրջ երեք հազար նացիստներից բաղկացած ամբոխը շարժվում է դեպի քաղաքի կենտրոն: Մարիենպլացում նրանց ճանապարհը կտրում են շուրջ 100 ոստիկանները: Փոխհրաձգությունից զոհվում է 16 նացիստ։ Հիտլերն իրեն դրսևորում է որպես իսկական դուխով հեղափոխական՝ նախ բերանքսիվայր նետվում է գետնին, որպեսզի խուսափի իր ուղղությամբ եկող փամփուշտներից, ապա դիմում է փախուստի։

Հեղաշրջումն այսպիսով ճնշվում է: Հիտլերը հայտնաբերվում և բանտարկվում է:

Լանդսբերգյան բանտում Ադոլֆ Հիտլերը գրում է «Իմ պայքարը» գրքի մեծ մասը։

Իշխանությունը վերցնելուց հետո «Գարեջրային հեղաշրջումը» հռչակվում է ազգային հեղափոխություն։

1933-ից 1939 թթ․ ՆՍԳԲԿ-ն ամեն տարի նշում էր հեղաշրջման տարելիցը՝ Հիտլերի անմիջական մասնակցությամբ։

Հ․Գ․ Փոքրիկ տեղեկանք

Ըստ բրիտանական հետախուզության 1942 թ․ գաղտնի փաստաթղթերի՝ Ադոլֆ Հիտլերը տառապել է էպիլեպտիկ և պատրանքների դրսևորումներով։

Հոգեկան այդ շեղումներն ունեցող մարդը սկսում է հավատալ իր շուրթերից հնչած խոսքերին կամ գաղափարներին։
«Նա իրեն Աստված էր համարում, որի զոհաբերությունը կապահովեր համաշխարհային չարիքի դեմ հաղթանակը»,-հիշատակվում է գաղտնի փաստաթղթերում։

Արեգնազ Մանուկյանի ֆեյսբուքյան էջից