Ուկրաինայի նախագահի պաշտոնի թեկնածու, «Բատկիվշչինա» կուսակցության առաջնորդ Յուլյա Տիմոշենկոն հայտարարել Է պետության ղեկավար Պյոտր Պորոշենկոյի պաշտոնազրկման ընթացակարգ սկսելու մասին՝ բանակում ընդգրկուն հափշտակումների մասին հրապարակված լրագրողական հետաքննությունից հետո, տեղեկացնում Է «Արմենպրես»-ը:

Bihus.info լրագրողական հետաքննությունների թիմը նախօրյակին հրապարակել Է նյութ, որտեղ բացահայտել Է պաշտպանական համալիրում ընդգրկուն հափշտակումների սխեման, որի հետ իբր առնչություն ունեն Պորոշենկոյի մերձավոր պաշտոնատար անձինք: Նյութում ապացուցվում Է, որ Ազգային անվտանգության եւ պաշտպանության խորհրդի առաջին փոխքարտուղար Օլեգ Գլադկովսկու որդին՝ Իգորը, նրա ընկեր եւ բիզնես-գործընկեր Վիտալի Ժուկովը, ինչպես նաեւ Անդրեյ Ռոգոզան 2016 թվականից Ուկրաինայի պաշտպանական ձեռնարկություններին են վաճառել ռազմական տեխնիկայի պահեստամասեր մինչեւ 300 տոկոս հավելագնով:

Ապրանքը նրանք, իբր, ներկրել են ՌԴ-ի տարածքից մաքսանենգ ճանապարհով կամ Էլ գնել են Ուկրաինայի զորամասերի պահեստներից: Լրագրողները պնդում են, որ այդ կերպ «Ուկրօբորոնպրոմ»-ից ստացվել Է առնվազն 250 միլիոն գրիվնա (ավելի քան 9 միլիոն դոլար):

«Մենք կարծում ենք, որ այն, ինչ արվել Է, եւ այն, ինչ լրագրողների կողմից հրապարակվել Է, վերաբերում Է Քրեական օրենսգրքի 112-րդ հոդվածին՝ պետական դավաճանություն… Մենք հայտարարում ենք, որ մյուս խմբակցությունների հետ մեկտեղ սկսում ենք նախագահի պաշտոնազկման ընթացակարգը»,- հայտարարել Է Տիմոշենկոն՝ փետրվարի 26-ին ելույթ ունենալով Ռադայում, հաղորդել Է ՌԻԱ Նովոստին: