Ադրբեջանը Բելառուսից հրետանային կրակի կառավարման շարժական համալիր է գնել։ Այս մասին հաղորդել է բելառուսական «Ինտերֆաքս»-ը։

Աղբյուրը նշում է, որ նոր համալիրը գործարկվել է մարտին տեղի ունեցած զորավարժությունների ընթացքում։ Առաջին անգամ համալիրը ներկայացվել է 2019թ․ Աբու Դաբիում կայացած DEX-2019 ցուցահանդեսի ընթացքում։

7A0917 «Լեկտոր» համալիրը ղեկավարվում է երեք մակարդակով։ Այն ներառում է պլանշետային և գրպանի համակարգիչներ, հետախուզման սարք, ռադիոկայաններ և ավտոմատացված եղանակային կայան: Բացի վերջինից, բոլոր բաղադրիչները ստեղծվել են Բելառուսում։

Համալիրի միջոցով կարելի է տվյալների հավաքագրում և պահպանում իրականացնել, հաշվարկներ անել և տեղեկատվական խնդիրներ լուծել։

Աղբյուրը՝ yerevan.today