Գյումրիում հետաքրքիր միջադեպ է եղել: Փաշինյանը զրուցելիս է եղել հավաքվածների հետ, երբ քաղաքապետ Բալասանյանն ինչ-որ մեկին անվանել է «կլյաուզնիկ»: Փաշինյանը հորդորել է երկու կողմերին իր ներկայությամբ «քուչի բազար չանել»:

Հարկավ, հարկավ, պետք չէ բազար անել վարչապետի ներկայությամբ, առավել ևս, որ դա իր մենաշնորհն է:
Միայն պարոն Փաշինյանը կարող է գողական ժարգոնով խոսել, այն էլ՝ կառավարության նիստին:
Դուք ո՞վ եք, որ ձեզ ժարգոն եք թույլ տալիս:

Թե՞ չեք իմանում՝ ով ավելորդ թպրտա՝ ծնոտին խփելու են ու «բալանդ» ուտացնեն:
Իսկ հիմա լրջանանք:

Եթե Փաշինյանը գողական օրենքների կողմնակից է, ինքը առհասարակ պետք է հեռու մնար պետական աշխատանքից, չաշխատեր, ընտանիք չկազմեր, աղքատից չգողանար, իրենից թույլի վրա ձեռք չբարձրացներ, չհամագործակցեր իրավապահ մարմինների հետ, յուրայինների դեմ չգործեր, ոչ մեկի դեմ ցուցմունք չտար: Բայց նա այս օրենքներից ոչ մեկը չի պահել, հետևաբար նա հեռու է գողական կյանքից:
Նա ընդամենը գողականի իմիտացիա է անում:
Նա նաև պետականի իմիտացիա է անում:

Հ.Գ. баланда - բանտարկյալի անհամ ու ջրիկ ճաշն է բանտային լեքսիկոնում։

Նարե Գրիգորյանի ֆեյսբուքյան էջից