Ֆեմինիստ ակտիվիստուհի Լարա Ահարոնյանը վրդովված է, որ իր կազմակերպած երեխաների հանդեպ սեռական բռնությունների կանխարգելման մասին միջոցառումն ինչ-որ մարդիկ տապալել են։ Նա դիմել է ոստիկանություն։ Լ. Ահարոնյանը վրդովվել է, որ իր բերած տվյալներին չեն հավատում։ Հարկ է նշել, որ ժամանակին էլ նույն Ահարոնյանը տապալում էր պատասխանատու հանքարդյունաբերության կոնֆերանսը, որովհետև համարում էր, որ պատասխանատու հանքարդյունաբերություն չկա: Լինելով Կանադայից, որի տնտեսության հիմքը հենց պատասխանատու հանքարդյունաբերությունն է, Լարան փորձում էր տապալել միջոցառում՝ առանց մասնագիտական կամ գիտական որևէ հիմքի՝ չլինելով մասնագետ։ Լինելով Կանադայից՝ Լարան առաջինը պիտի խրախուսեր օրենքի պահպանում և գերակայում – մշակույթ, որտեղից եկել է նա: Այսինքն, ոնց որ ինքը վստահ է, որ պատասխանատու հանքարդյունաբերություն չկա, և դա իրեն իրավունք է տալիս այլոց միջոցառումները տապալել, և/կամ աջակցել արդեն 10 ամիս Լիդիանի իրավունքներն ապօրինի ոտնահարող խմբին, նույն կերպ, հավանաբար, իր միջոցառումը տապալող անձինք են համարում, որ Լարա Ահարոնյանի բարձրացրած խնդիրները Հայաստանում չկան և այդ համոզմունքից ելնելով՝ տապալում են իր միջոցառումը։

Հիմա հարց՝ ինչի՞ց է բողոքում տիկին Ահարոնյանը, եթե համարում է, որ սեփական համոզմունքներից ելնելով՝ կարելի է ապօրինաբար տապալել այլոց միջոցառումները։ Ինչո՞ւ է զարմանում, որ նույն սկզբունքն աշխատում է նաև իր դեմ: Ոչ մեկը բումերանգի օրենքը հետ չի կանչել. ինչպես ցույց տվեց հենց իր միջոցառման խափանումը:

Լինելով ՔՊ-ի՝ կարծեմ հանրային խորհրդի անդամ, տիկինը խրախուսոմ է Լիդիանի դեմ գիտական հիմք չունեցող արդարացումով պետության կողմից հանդուրժվող ապօրինությունը: Ձեր միջոցառումը խանգարած մարդիկ էլ ձեր փաստարկներին չեն հավատում և խանգարում են ձեր միջոցառմանը – արդար չի՞:

Նառա Ղազարի ֆեյսբուքյան էջից