Քաղաքական

10.06.2019 15:09


«Եթե պարոն Փաշինյանի հետ հուշագիր ենք ստորագրել, ո՞նց Աբովյանում հեղափոխություն չի եղել» (տեսանյութ)

«Եթե պարոն Փաշինյանի հետ հուշագիր ենք ստորագրել, ո՞նց Աբովյանում հեղափոխություն չի եղել» (տեսանյութ)

Եթե պարոն Փաշինյանը որպես հեղափոխության լիդեր, ինձ հետ թուղթ է ստորագրել, հուշագիր, որ մենք մասնակից ենք եղել հեղափոխությանը, ո՞նց Աբովյանում հեղափոխություն չի եղել: Այս մասին այսօր՝ հունիսի 10-ին, ԱԺ-ում լրագրողների հետ զրույցում նշեց ԲՀԿ խմբակցության ղեկավար Գագիկ Ծառուկյանը՝ անդրադառնալով Կոտայքի մարզպետ Ռոմանոս Պետրոսյանի պնդմանը, թե հեղափոխությունը չի հասել Աբովյան:

«Մենք ստորագրեցինք հուշագիր, որ մասնակից ենք, աջակից ենք հեղափոխությանը»,-ասաց նա:

Հարցին, թե, փաստորեն, ԲՀԿ-ն Աբովյան քաղաքում մրցակից չունի՞, Ծառուկյանը պատասխանեց. «Մրցակից միշտ էլ կա. մրցակից միշտ էլ պետք է լինի»:

Անդրադառնալով հարցին, թե ինչու բացահայտ չառաջադրեցին Վահագն Գևորգյանին, այլ գաղտնի աջակցեցին, Ծառուկյանն արձագանքել է.

«Որ ես մասնակցեի, պատկերացնո՞ւմ եք՝ ինչ կլիներ... Քաղաքապետն աշխատող է, իր գործն ապացուցած էր, և կարիք չկար, որ ես քարոզարշավին մասնակցեի»,- նշեց նա և հավելեց.

«Քաղաքապետը վայելում է իմ աջակցությունը, բայց դրա կարիքը չկար, որ ես գնայի աջակցեի նրան: Որ կարիքը լիներ, կանեի. առանց իմ անվան է հաղթել»:

Անդրադառնալով ընտրությունների նախորդ օրը «Քաղաքացիական պայմանագիր» կուսակցության քաղաքապետի թեկնածու Գրիգոր Գուլյանի նախընտրական շտաբի ղեկավարի մեքենայի և տան մի հատվածի հրդեհմանը՝ Ծառուկյանն ասաց. «Մենք շատ ուրախ կլինենք, որ դա բացահայտվի: Եթե չբացահայտվի, ուրեմն իրավապահ մարմիններն իրենց տեղում չեն: Մեղավորները պետք է բացահայտվեն, այդպիսի քայլի գնացողները «մուտիլովչիկիներ» են, որ երբ 7 երեխա է քնած, նման բան են արել: Արհեստական սարքել են: Դա շինծու սարքած գործ էր: Ինձ թվում է՝ այսօր կամ վաղը դա պետք է բացահայտվի, եթե ոչ, ապա իրավապահ մարմինները իրենց տեղում չեն: Վարչապետը պետք է պարտադրի, որ այդ գործը բացահայտվի»:

Մանրամասն՝ tert.am—ի տեսանյութերում

Այս խորագրի վերջին նյութերը