Սիրելի՛ ժողովուրդ, և ուրեմն, կարող ենք արձանագրել...

Անհասկանալի է, թե ինչու է պետք ժամանակ առ ժամանակ` մաս-մաս ստել, այսպես կիսատ-պռատ, անգրագետ, անիմաստ ու անհիմն խոստումներ տալ և հայտարարություններ անել:

Չէ որ կարելի է այդ ամենի մասին միանգամից հայտարարել ու վերջացնել:

Օրինակ այսպես`

«Սիրելի՛ ժողովուրդ, և ուրեմն, կարող ենք արձանագրել, որ`

Հայաստանում տնտեսական մենաշնորհները վերացել են;
Հայաստանում կոռուպցիա չկա;
Հայաստանում տասնապատկվել են ներդրումներն ու զբոսաշրջիկները;
Հայաստանում օլիգարխներ ու արտոնյալներ չկան;
Հայաստանում ամուսնություններն ու ծնելիությունը շեշտակիորեն բարձրացել են;
Հայաստանում կատարյալ խոսքի ազատություն է, մամուլը կատարյալ ազատ է;
Հայաստանում գործում է կատարյալ անկախ արդարադատություն;
Հայաստանում օրենքի առաջ բոլորը հավասար են;
Հայաստանում մարդիկ ապրում են կատարյալ սիրո և համերաշխության մթնոլորտում;
Հայաստանում բոլոր բարդ խնդիրները լուծվում են միայն ժողովրդի ակտիվ մասնակցությամբ;
Հայաստանում ամեն ինչ որոշում է ժողովուրդը;
Հայաստանում աշխատավարձերն ու թոշակները կտրուկ բարձրացել են` տասնապատկվել են;
Հայաստանում աշխատատեղերը տասնապատկվել են;
Հայաստանում բոլոր պաշտոնյաները ազնիվ են, խելացի, բանիմաց և անթերի;
Հայաստանում այլևս վերացված է սուպերվարչապետական, ասել է թե` միապետական համակարգը;
Հայաստանում տնտեսությունը կայուն և անշեղ, թռիչքաձև զարգացում է ապրում;
Հայաստանում այլևս աղքատներ չկան;
Հայաստանից այլևս արտագաղթ չկա, և կա աննախադեպ ներգաղթ;
Հայաստանը աշխարհի ամենազարգացած, ամենահզոր, ամենաանվտանգ, ամենաբարեկեցիկ և ամենաառաջատար երկիրն է;
Հայաստանի բոլոր գյուղերն ու քաղաքները ծաղկում ու բարգավաճում են;
Հայաստանի ղեկավարները անսխալական, անմեղ հրեշտակներ են;
Հայաստանում բոլորը երջանիկ են;

և վերջապես`
Արցախը ճանաչվել է աշխարհի բոլոր երկրների կողմից, և միացել է Հայաստանին, նաև` վերականգնվել է պատմական Մեծ Հայքը:

Հ Ա Յ Ա Ս Տ Ա Ն Ը Դ Ր Ա Խ Տ Ա Վ Ա Յ Ր է
Ա Պ Ր Ե Ք Եվ Վ Ա Յ Ե Լ Ե Ք»

Այ այսպես է պետք...

Թե չէ ընկել են` օրը մի քանի սուտ թիվ, մի սուտ պատմություն, մի նոր հիմարություն, մի նոր ձեռնածություն...
Հերիք է էլի` թող մի անգամ ասեն` վերջացնեն, ինչու են տանջում այս խեղճ ժողովրդին:

Իսկ եթե լուրջ, ապա` չի կարելի այդ աստիճան ապուշի տեղ դնել սեփական ժողովրդին, և անթաքույց, ընտանյոք հանդերձ` ծաղրել սեփական ընտրազանգվածին, և սուտ բարբաջել, թե` այս, կամ այն ապուշությունն անելը «հանրային պահանջ» է:

Տգետապետություն

Անի Կարապետյանի ֆեյսբուքյան էջից