Վրացի օգտատերերը շարունակում են ակտիվորեն տարածել երկրի գեղատեսիլ վայրերի լուսանկարներն ու տեսանյութերը՝ կոչ անելով ամառն անցկացնել Վրաստանում:

Այս քարոզարշավը մեկնարկեց այն բանից հետո, երբ Վրաստանի և Ռուսաստանի միջև հարաբերությունների լարվածությունից հետո ՌԴ նախագահ Վլադիմիր Պուտինի հրամանագրով ռուսական ավիաընկերություններին հուլիսի 8-ից արգելվում է Վրաստանի ուղղությամբ չվերթներ իրականացնել:

«Ֆեյսբուք» սոցիալական ցանցում Spend your summer in Georgia խորագրով բացված խմբում օտարերկրացիները կիսվում են Վրաստանում իրենց հանգստի տպավորություններով՝ հայտարարելով, որ վերադառնալու են։ Իսկ վրաստանցի օգտատերերը, իրենց հերթին, առաջարկում են զեղչով տուրեր և բնակարաններ:

Տարածված #SpendyoursummerinGeorgia հեշթեգն օգտատերերը թողել են նաև ԱՄՆ նախագահ Դոնալդ Թրամփի Boring թվիթի մեկնաբանություններում, որում նա գրել է դեմոկրատների դեբատների մասին իր տպավորությունը:

Աղբյուրը՝ aliq.ge