Աշխարհ

08.07.2019 18:40


Ռուս-վրացական ճգնաժամը նպաստում է Թուրքիայի տուրիստական եկամուտներին

Ռուս-վրացական ճգնաժամը նպաստում է Թուրքիայի տուրիստական եկամուտներին

Վրաստանում տեղի ունեցած հակառուսական ցույցերի հետևանքով Ռուսաստանն ու Վրաստանը ժամանակավորապես դադարեցրել են երկկողմ օդային հաղորդակցությունը։

Ինչպես պնդում են թուրքական լրատվամիջոցները, ռուս-վրացական ճգնաժամը տնտեսապես նպաստավոր պայմաններ է ստեղծել տուրիզմի համար Թուրքիայում։

Մասնավորապես, Մոսկվայի և Թբիլիսիի միջև տեղի ունեցած վերջին թռիչքից հետո ռուս զբոսաշրջիկները սկսել են ավելի շատ տոմսեր գնել դեպի Թուրքիա։

Դեպի Վրաստան տուրիստական ամրագրումների փոխարեն ռուսական տուրօպերատորները զբոսաշրջիկներին ուղղորդում են դեպի Թուրքիա, Կիպրոս և Հայաստան։

Հայտնի է, որ նախկինում կատարված տոմսերի ամրագրումների փոփոխությունների և չեղարկումների պատճառով ռուսական ավիաընկերություններն արդեն ավելի քան 3 մլրդ ռուբլու վնաս են կրել։ Վրացական կողմն իր հերթին հայտնել է ամրագրումների գրեթե 80 տոկոսի չեղարկման և շուրջ 710 մլն դոլար կրած վնասի մասին։

Աղբյուրը` «Էրմենիհաբեր»

Այս խորագրի վերջին նյութերը