Թուրքիայում համալսարանի դասախոսը 5 ամսվա ազատազրկման է ենթարկվել: Նա մեղադրվում է «իր դիրքը չարաշահելու», ուսանողին ցածր գնահատական նշանակելու և վերջինիս նույն կուրսում թողնելու մեջ:

Ստամբուլի համալսարանի պրոֆեսոր Նուրդողան Ռիգելի փաստաբանը Ստամբուլի ծանր հանցագործությունների 8-րդ դատարանում պաշտպանական ճառ է ներկայացրել:

Դատական նիստի ժամանակ պրոֆեսորը չի ընդունել իրեն առաջադրված մեղադրանքը և հավելել, որ որևէ ուսանողի հետ խնդիր չի ունեցել: Դատարանը վճռել է Ռիգելին 6 ամսով ազատազրկման դատապարտել:

Այնուհետև դատարանը սահմանված պատիժը իջեցրել է 5 ամսի և հետաձգել 5 տարով: