Աշխարհ

10.07.2019 19:47


Թուրքիայում հարյուրավոր մարդիկ են թունավորվել խմելու ջրից

Թուրքիայում հարյուրավոր մարդիկ են թունավորվել խմելու ջրից

Թուրքիայի Գյումուշհանե նահանգի Դիբեքլի գյուղում խմելու ջրից թունավորված 138 մարդ է դիմել հիվանդանոց։ Թունավորման փաստը հաստատել է նահանգապետարանը։ Հիվանդների մոտ դիտվող հիմնական ախտանշաններն են սրտխառնոցը, փսխումները և փորլուծությունը։

Դիբեքլիի գյուղապետը հայտարարել է, որ կատարված ստուգումների արդյունքնում գյուղի խմելու ջրի աղբյուրներում բակտերիա է հայտնաբերվել։ Խոսքը աղիքային ցուպիկի և դրա ենթատեսակների մասին է։

Գյուղապետը կոչ է արել գյուղացիներին ծորակի ջուրն օգտագործել միայն եռացրած վիճակում: Մասնագետները շարունակում են ուսումնասիրել թունավորման ենթադրյալ աղբյուրը ու քլորացնում են խմելու ջուրը:

Աղբյուրը` «Էրմենիհաբեր»

Այս խորագրի վերջին նյութերը