Հուլիսի 12-ին Անկարայի Քեչիորեն թաղամասում գտնվող հիվանդանոցներից մեկի լաբորատորիայում քիմիական նյութով լցված տարա է կոտրվել։

Չորս հարկանի հիվանդանոցի առաջին հարկը, որտեղ տեղակայված են շտապ օգնության ծառայությունը և լաբորատորիան, ամբողջովին դատարկվել է, քանի որ գազային զանգված պարունակող քիմիական նյութը տարածվել է ամբողջ հարկաբաժնում:

Թուրքիայի առողջապահության նախարարությունը տեղեկացրել է, որ պատահարի հետևանքով առողջապես տուժել է հիվանդանոցի 19 աշխատակից։ Նրանք տեղափոխվել են այլ հիվանդանոց և գտնվում են բժիշկների վերահսկողության ներքո։ Նրանց կյանքին վտանգ չի սպառնում։

Հիվանդանոցում շարունակվում են քիմիական նյութից տարածքի մաքրման աշխատանքները։

Աղբյուրը՝ «Էրմենիհաբեր»