Զոմբին, իմ կարծիքով, գենոմոդիֆիկացված մարդաբանական գոյացություն է, երկոտանի ինֆանտիլ արարած: Ֆեսբուքյան խմբերից մեկում մի քանի այդպիսի երկոտանի գոյացություններ կան, որոնց գրառումներին պարբերաբար հետևում եմ: Վերջերս նշված խմբում նյութ էր տեղադրված, որտեղ քննադատվում էին խորհրդարանականների անբովանդակ ճանապարհորդությունների համար կատարվող անհիմն բյուջետային ծախսերը: Զոմբիները մի ոգևորվել էին ոգևորվել, էլ ասելու չի. հիշել էին, որ կա դավադրության տեսություն, որ նախկին թալանչիների պատվերով միտումնավոր սևացվում է թավշյա խորհրդարանի վարկանիշը... վերջում, ինչպես միշտ, սերժառոբականներին հավաքել մի տեղ ու հանձնել ինկվիզիցիայի դատարանին:
Այսօր նույն խմբում տեղադրված էր նույնաբովանդակ մեկ այլ նյութ, որտեղ, սակայն, իբր Փաշինյանն էր մտահոգություն հայտնում բյուջեի հաշվին կատարվող խորհրդրանական ճանապարհորդությունների անարդյունավետության վերաբերյալ: Ուրեմն, զոմբիների նույն մարտական հաշվարկը հիմա էլ գրում էր. «Վարչապե՛տ ջան, ճիշտ ես անում, պետք է խիստ լինել, թույլ չտալ աջ ու ձախ մսխեն բյուջեի փողերը...», ու ընթացքից նորից սահուն անցում են կատարում սերժառոբականներին, որոնց պետք է հավաքել ինչ-որ տեղ ու հանձնել ինկվիզիցիայի դատարանին:

Ու ինչ կապ ունի ինկվիզիցիայի դատարանը անբովանդակ խորհրդարանական ճանապարհորդությունների` բյուջեի վրա առաջացրած ֆինանսական ծանրաբեռնվածության հետ՝ գիտի միայն զոմբին` գենոմոդիֆիկացված անտրոպոլոգիական գոյացությունը:

Գարեգին Պետրոսյանի ֆեյսբուքյան էջից