Երբեմն փորձում եմ դրական էլեմենտներ որոնել մեր խճճված քաղաքական անցուդարձի մեջ: Իհարկե շատ մեծ դժվարությամբ, բայց երբեմն հաջողվում է: Օրինակ, իշխող դաշինքի որոշ ներկայացուցիչների մոտ քաղաքական կախարդանքից ձերբազատվելու նշույլներ եմ նկատում, ովքեր խորքային կարևորության խնդիրներին սկսել են տալ ուղղամիտ գնահատականներ:

Որոշները գուցե այս ամենը որակեն որպես իշխող թիմի ներսում պառակտման անխուսափելի դրսևորում, ինքս հակված եմ ավելի շատ երևույթը կապելու քաղաքական առողջացման հետ: Անկախ ամեն ինչից, երևույթն ինձ համար ողջունելի և ուրախալի է:

Մյուս դրական արձանագրումը, որը նույնպես շատ ողջունելի է, Հանրային խորհրդի ակտիվության դրսևորումն է`դրական առումով: Եթե հաջողվի Հանրային խորհուրդը խորհրդատվական գործառույթից զատ դարձնել նաև պետության և հասարակության կառուցակարգային հարաբերությունների կարևոր օղակ, բազմակի անգամ կբարձրանա ներհամակարգային գործընթացների էֆեկտիվությունը:

Գարեգին Պետրոսյանի ֆեյսբուքյան էջից