Եթե իշխանությունը չի ապահովում այնպիսի արդյունքներ, որոնք համադրելի լինեն ժողովրդի սպասելիքների հետ, վստահության անկումը համարվում է օրինաչափ:

Եթե սպասելիքների չարդարացման ֆոնին վստահության մակարդակը շարունակում է հաստատուն մնալ, ապա գործ ունենք ոչ թե քաղաքացիների, այլ` հոտի հետ:

Այսօր, հեղափոխության անգամ ամենաջերմեռանդ աջակիցները ներքուստ զգում են անհամադրելիությունը, և օրինաչափ է տվյալ պարագայում իշխանության վարկանիշի անկումը: Փոխարենը իշխանության որոշ ներկայացուցիչներ պարբերաբար պնդում են, թե շարունակում են վայելել ժողովրդական անխախտ վստահություն:

Հարց է առաջանում` մոլորված հոտի հետ գործ ունե՞նք, թե՞ ինքնասիրահարված դիլետանտ իշխանությունների: Կարծում եմ` երկրորդի: Այլապես, իշխող դաշինքի պատգամավորներ Մարիա Կարապետյանն ու Գայանե Աբրահամյանը չէին հայտարարի, որ Ստամբուլյան կոնվենցիայի շահագրգիռ կողմը Հայաստանի Հանրապետության հանրությունն է:

Գարեգին Պետրոսյանի ֆեյսբուքյան էջից