ԱՄՆ նախագահ Դոնալդ Թրամփը բազմիցս իր օգնականներին հարցրել է Գրենլանդիայի՝ Դանիայի ինքնավար տարածքի գնման հնարավորության մասին, գրում է The Wall Street Journal պարբերականը:

Պարբերականը հայտնում է, որ որոշ օգնականներ աջակցել են Թրամփի այդ քայլին՝ հայտարարելով, որ դա կարող է տնտեսական հիանալի քայլ լինել: Մինչդեռ մյուսները Թրամփի գաղափարն ընկալել են որպես նախագահի հերթական մոլի ցանկություն:

Գրենլանդիան երկրագնդի ամենախոշոր կղզին է, զբաղեցնում է ավելի քան 2 միլիոն ք/կմ տարածք։ Արտաքին քաղաքականությամբ և անվտանգության ապահովմամբ զբաղվում է Կոպենհագենը։

Աղբյուրը՝ tert.am