Ինչպես արդեն տեղեկացրել էինք, ՌԴ ԱԳՆ պաշտոնական ներկայացուցիչ Անդրեյ Նեստերենկոն ասել է, թե Ռուսաստանն ուսումնասիրում է  ԵԱՀԿ Մինսկի խմբի համանախագահ երկրների կազմում Թուրքիայի ընդգրկման հնարավորությունը։

«7օր»-ի հետ զրույցում, սակայն, Հայաստանի արտգործնախարարության մամուլի և տեղեկատվության հետ կապերի վարչության ղեկավար Տիգրան Բալայանը նշել է, որ ՀՀ դիրքորոշումը Թուրքիայի՝ ԼՂ հարցում միջնորդ դառնալու վերաբերյալ հստակ է։

-ՀՀ-ն իր դիրքորոշումը հստակ արտահայտել է, և դա այն պարզ ճշմարտությունն է, որ Թուրքիան որևիցե կերպով որպես միջնորդ չի կարող ներգրավված լինել ղարաբաղյան հիմնախնդրի կարգավորման գործընթաց,  և այդ դիրքորոշումն անցյալ շաբաթ վերահաստատեց ՀՀ նախագահը Վաշինգտոնում,-ասել է նա։

7or.am