եպտեմբերի 25-ին, ժամը 18:43-ին «911» ծառայություն ահազանգ է ստացվել, որ Երևանի Արտաշիսյան փողոցի թիվ 77/2 շենքի մոտակայքում տեղի է ունեցել ՃՏՊ, կա տուժած. անհրաժեշտ է փրկարարների օգնությունը:

Պարզվել է, որ բախվել են «ՎԱԶ-2107» (վարորդ՝ Գարիկ Ս. ծնված 1990թ.) և «Mercedes B 200» (վարորդ՝ Գոհար Բ. ծնված 1981թ.) մակնիշների ավտոմեքենաները, այնուհետև «Mercedes B 200» մակնիշի ավտոմեքենան բախվել է ճամփեզրին կայանած «BMW X5» մակնիշի (վարորդ՝ Արտակ Ա. ծնված 1980թ.) ավտոմեքենային:

«ՎԱԶ-2107» մակնիշի ավտոմեքենայի վարորդ Գարիկ Ս.-ն մարմնական վնասվածքներով հոսպիտալացվել է «Էրեբունի» ԲԿ, որտեղ ստանալով համապատասխան բուժօգնություն` դուրս է գրվել:

Փրկարարները հոսանքազրկել են «Mercedes B 200» և «ՎԱԶ-2107» մակնիշների ավտոմեքենաները և փակել «ՎԱԶ-2107» մակնիշի ավտոմեքենայի գազի բալոնի փականը: