Ռուսաստանի Դաշնության նախագահ Վլադիմիր Պուտինը հունվարի 7-ի երեկոյան մեկնել է Ստամբուլ: Այս մասին տեղեկացնում է interfax.ru կայքը՝ հղում անելով ՌԴ նախագահի մամուլի ծառայությանը:

Մամուլի ծառայությունից նշել են, որ հունվարի 7-ին Պուտինի օրակարգում ոչ մի միջոցառում չի եղել, և այցի օրակարգը նախատեսված է հունվարի 8-ի համար: Մասնավորապես` այսօր ռուս առաջնորդը կմասնակցի «Թուրքական հոսք» գազատարի բացման արարողությանը:

Պուտինը Ստամբուլ է մեկնել Դամասկոսից, որտեղ հանդիպում է ունեցել Սիրիայի նախագահ Բաշար ալ Ասադի հետ և այցելել է Սիրիայում տեղակայված ռուսական զինված ուժերի հրամանատարական կետ:

Ավելի վաղ Կրեմլի մամուլի ծառայությունը տեղեկացրել էր, որ Պուտինի ստամբուլյան այցի շրջանակում նախատեսված են բանակցություններ Թուրքիայի նախագահ Ռեջեփ Թայիփ Էրդողանի հետ:

Աղբյուրը՝ Tert.am