Այսօր Սանկտ Պետերբուրգում հանդիպում են ունեցել Հայաստանի ու Ռուսաստանի նախագահներ Սերժ Սարգսյանն ու Դմիտրի Մեդվեդևը։

Զրույցի սկզբում երկու երկրների առաջնորդները ողջունել են միմյանց։ Նախագահները նախընտրել են բանակցություններից առաջ հայտարարություններով հանդես չգալ լրագրողների առջև։

–Կարևորն այն չէ, թե մենք ինչ կասենք, այլ այն, թե ինչ ենք անում,–ասել է Մեդվեդևը։

Մեդվեդևի ու Սարգսյանի զրույցը շարունակվել է փակ դռների հետևում։

Հիշեցնենք` ակնկալվում էր, որ երկու երկրների նախագահները քննարկելու են Հայաստանին մատակարարվող գազի նոր սակագնի և Լեռնային Ղարաբաղի հարցերը։

7or.am